Anigoo ah fahma cali waxayna ku darsanaysaa gabaydii dhex marayey Maxamed Haldeeq iyo Mubarak qoorubaxay ,Waxana la yidhaahaa Ragu dumarka kama maarmi karo .
  
 Sagaleey waloow aan mar hore heesta kugu maagay
 Oo aanan sheekadan masraxa maad ka dhiganaynin  Maaweelo waa wada rabnaa Maadi dheer tahaye
 Ha yeeshee Muhiib taan ahayn way masaxantaaye
 

 Anigoo masaladaad dhigtay madasha soo gaadhay
 Maqsuud baan ka joogaa sidaa Manta uu yahay
 Ha yeeshee mid wayn baa jirto cidina moogayne

 Dumarkii rag kama maarmi karo waa u mahuraane
 Raguna dumarka kama maarmi karo Malin keligeed
 Midigta iyo bidixbaynu nahay laba mataanood
 Muxibada jacaylkuna dad waa u mara dhaam
 Qofba Malin buu soo maraa Madaxa goostaa
 

 Nimankaa madluunkee cishqiga miranayee haysto
 Intaynaan muducigaa iyaga kiiska kuba moosin
 Mid filkeena waa kuwaa muhdaye dhebaya magacoode
 Adigaa maraykaan ku nool maxamed tiisiiye
 

 Hadii Manta soo baafisoo doonto magaceeda
 Marxab buu ku odhanlaa ninkaa uu jacayl Miraye
 Ma u raadin tuu calmaday waa miduu rabaye
 

 Mudanaha kalow adigu waad kala macnaysaaye
 Sida aad u kala muujisey waa ku soo maraye
 Jacaylka macalinkiisaad tahee adigu taad Mooday