|
Waxan aad iyo uga xumahay wixii Berbera ka dhacay,
waxana ka mas-uul ah Dawladda
- Waxan aad ugu damqanayaa ardayda iyo dhalinyarada rasaasta loo
nacay
- Waxan isweediiyey yaa ku ladan nabada iyo noloshan miisaanku ka
lumay
- waxan garanwaayey ninka gardaroonaya iyo kan laga gar-daranyahay
ee labaduba ooyayaan
- Waxa iga degi-waayey waxa Daahir ka maqan ee kalifey in dadka lagu
laayo.
Su'aalahaas iyo damiirkaygii oo markhaatiyo haysta ayaa
isdeen-waayey dabeedna waxa ka dhashay sidan,
- Dadka af-Somaliga ku hadla waxay talo moodeen inay ku macneeyaan
masiirkooda nololeed waxa maanta ka jira dhulka ay degaan waana
sidan ee bal u fiirso.
- Ciise wuxuu Jabuuti ka hirgeliyey Dawlad ay hogaan u noqdaan inta
taariikhdu ogolaato waanay ku hagaasanaayeen anna waan ku
hambalyeeyey.
- Daarood wuxuu si badheedha ugu dhawaaqay Dawlad Goboleed laga
hogaansho Majeerteeniya markay suura geliyeena waxay dacal goosteen
Somaliland damac kalena waa u weheshaayoo waa doqonkii Cabdullaahi
Somaliba ha' dul fuulo
-Hawiyena dedaalyoo diina waa ku dhawaaqay dalna wuu hantiyey
duur-xulkiisuna waa duub u qaado Dadkoo dhan
-Ugaadeen iyo Absamoo dhamina Kilka shanaad ka dad sheegte.
Waxaa ay qabaa-ilka Somaliyeed tashadeen ee aan sida kooban uga sooo
sheekeeyey qolaa diidey waxana la' yidhaahdaa Reer Shiikh waa dad
karaamaysanoo dulmigaanay dugsan. Waxay u soo dagaalameen inay
xoreeyaan waxa maanta loo yaqaan Jamhuuriyada Somaliland naf iyo
maal waxay dhaqayeen mudo ka badan 400 afar-boqol oo gu' waxay
dhaafsadeen magacaa waxayna si niyad wanaag ah ugu doorteen ninkii
iyaga laynayey kii u daacadda ahaa waana DAAHIR RIYAALE KAAHIN.
Bal dhugo dhacdadan markii uu dhintay Alla haw naxariistee Maxamed
Ibrahim Cigaal watii si buuxda oo mug leh loo xil huwiyey Mudane
Daahir waanu ku faraxnay waana hanbalyeeyey anigu si niyad ah oo
samac iyo daacad baan ugu toba rucay waxase qosol iyo xikmad iyo
lama filaan lahayd, waxanu ku kulanay maalmahaas magaaladan London
nin aanu sheeko wadaag lahayn oo Habar-Gidirna markaasuu wuxu yidhi
waar maxaa u doorateen ninkii shalay idinla dagaalamayey, waxan ku
idhi waayo? sow dhulka ma' wadaagno taa horena waa laysa-saamaxay,
intuu madaxa ruxay buu wuxu yidhi AAR HADAAN SIDAAS MOODAYNO MARKUU
CAYDIID DHINTAY BAANU
C/RAXMAAN TUUR SAARI LAHAYN, AAR HOOY WAA NAGA ROONTIHIIN BUU KU
CALAA-CALAY.
Wax bed qaba dalkaa dhan waxa loogu yimid laba meelood midi waa
madaxtooyada oo Daahir baa ku shaxa ninkii il qaloocan ku eegana
irmaantuu qaadayaa maanta ta kalena waa weelkii shidaalka ama
HAAMIHII BERBERA wuxuu dhaar ku maray indheheenoo shan iyo tobana
ayuu yidhi waxna kuma shuban kartaan wadaan kama darsan kartaan.
Ma' tirin karo mana tilmaami doono wixii madaxweyne Dakhar geestey
waayo waxan u dhaafyaa suxufiga iyo saxaafadda ayaa keydinaya mana
filayo dayacaan sidii Odayaasheena.
Ma' ilaawsani wuxuu mudaneheenu abaaldarro iyo aduun urusi ku jiro,
mana rabo weliba inaan ka cad-goosto ee caqliga yaa u dabaala.
Beesha madaxweynuhu ka sooo jeedo waxan leeyahay waar ERGAANU NAHEE
NAGA QABTA. HADAA YEELI WEYDAAN WAA LA' QABTAAN, ISMANA QABATAAN EE
WAXAANU MUSHKATI KANAHAY DAYAC, DULMI, DAAWASHO, DEGEL-FUJIS, DUUNYO
URUSI, DOORASHOOYIN LA' LAALO, DOQONIIMO SAXEEX IYO DALKA YAA-ILA
WADAAGA, OO MICNEHEEDU YAHAY ( CAARKEEDA ANIGAA KUDEE YEYGA
CELINAAYA)
Wuxuu Nebigu yidhi CSW (U HIILI WALAALKAA HADUU GARDARANYAHAY IYO
HADII LAGA GARDARANYAHAYBA) Waxay weediiyeen asxaabtu Nebiga CSW u
hiili garanay marka laga gardaranyahaye' kolkuu gardaranyahay
sidaanu ugu hiilinaa? wuxuu ku jawaabey gar-darda ka qabo walaalkaa.
WAXAN LEEYAHAY WAAR HOOY KA QABTA GARDARADA WAAR HOOY BELAAYADA
LOOMA YEEDHO EE WAA LAYSKA NABAA WAAR HOOY CANAADKAN, IYO HA' U
BIXIN IYO IS AFUUKANU WAA CUDUR DAWADIISUNA IGA DHAAR WAA CIRKAA.
Waxan raacinayaa fariintii shacabka Culimo,Cirroole, Caruurba iyo
cabbiraha waa shaacirka e' wuxu yidhi nebigu CSW ( BELAAYADA WAXA
LOO WAKIISHAY CARRABKA BINU AADAMKA) Nuxurka ama fahamku waxa weeye
waxaa ilaahay weydiisataan inagoon waxba u geesan in Illaahay inaga
qabto oo eebe ku afjaro fitnada iyo belaayoonyinka uu ooda ka rogayo.
Somaliland hanoolaato,
Ammmaano Alla
Ahmed yussuf dualeh, London,
huluulyare@yahoo.co.uk
|
11:00 GMT
