  
|
 |
|
Ciidamada
aadka u tababaran ee MMI oo la dhoobay aagga hore |
|
Tuesday,
November 28th, 2006 |
|
|
Muqdisho: Ifafaalaha colaadeed ee Ethiopia iyo Maraykanku ka
hurinayaan Somalia ayaa marba marka ka danbaysa qarka u sii
jirsanaya dagaal lagu hoobto oo saameeya geyiga bariga Afrika iyo
Jaziiradda Carabtaba.
 Ciidamada aadka u tababaran ee Shabaabka ayaa la soo dhoobay ilaha
ugu muhiimsan ee difaaca dalka. Aagga Mudug oo sida la sheegay ay
madaafiic isku weydaarsadeen ciidamada cadawga ah iyo Mujaahidiinta
MMI ayay gaadheen qayb ka mid ah shabaabku ka dib markii ay
ciidamada Tigre-gu la wareegeen gacan ku haynta magaalada Gaalkacyo.
Ciidamdaas ayaa intooda badan loo dhaqaajiyey gobollada Shabeellada
Hoose iyo Hiiraan oo ah meelaha ay Tigre-ga iyo huwanta dabada ka
soo waddaa ay aadka u damacsan yihiin inay qabsadaan si ay marka
horeba u kala gooyaan ciidamada baahsan ee maxaakiinta.
Garoonka Ballidoogle oo ay isha ku hayaan huwanta soo duushay ayay
ciidamada Maxaakiimtu ku rakibeen gantaalaha lidka diyaaradaha
iyagoo weliba halkaas geeyey ciidamada shabaabka ee ugu badan.
Dhiirranaanta Ethiopia ee wiigaggan dardarta gashay ayaa loo
aanaynayaa iyagoo taageero buuxda iyo ballanqaadyo ka helay
Maraykanka oo isaguna maraakiibtiisa dagaalka soo dhoobay xeebaha
koonfureed ee Somalia si uu sirta ciidamada uga kaalmeeyo tigre-ga. |
| Caynaba News
kama masuul aha afkaarta ay xanbaarsan yihiin qoraallada ay
akhristayaashu fekerkooda ku cabbirayaan. |
|
|
|
|
11:00 GMT
