Mogadishu - Gudoomiyaha Shuurada ee MMI, sheekh xasan Daahir Awey, ayaa ugu baaqay beesha caalamka in ay faraha kala baxaan arimaha Somalia, oo haatan u muuqda kuwo sii xumaanaya, ka dib markii kumanaan ka tirsan ciidamada Ethiopoia ay gudaha u soo galeen Somalia.

Sheekh Aweys ayaa hadalkani siiyay ragga wararka fidiya ee magaalada Muqdisho, isagoo sheekha uu ka codsaday beesha caalamka in fursad loo siiyo Somalida in ay ka wada hadasho danaheeda iyo waliba aayaheeda. Sheekh Aweys ayaa sidoo kale eedeyn kulul dusha uga tuuray dowladda Ethiopia oo uu sheegay in ciidamadeeda ay dhaq dhaqaaqyo ka wadaan gudaha dalka Somalia.

“ Hadaani nahay maxkamadaha islaamka, inagoo kaashaneyna shacabka somaliyeed ayaanu iska difaaci doonaan weerarka ay ciidamada Ethiopia ku soo qaadeen gudaha Somalia” ayuu yiri Sheekha. Sheekha waxa uu ku eedeeyay dowladda Somalia in ay dalka soo galisay cadow dhaawici kara qaranimada Somalia.
Hadalka Sheekha ayaa waxa uu ku soo beegmay saacado ka dib markii shalay magaalada Muqdisho ay ku saxiixdeen heshiis ka kooban 6 qodob xunaha Baarlamanka oo uu hogaaminayo gudoomiyaha baarlamanka iyo maxkamadaha islaamka

Xasuuqan Ulakac ah