  
|
 |
|
Kolanyo ka mida cadawga Tigre-ga oo 4 gaadhi laga gubay! |
|
Sunday,
November 19th, 2006 |
|
|
Kolanyo ciidamo Tigre- ah oo marayey Berdaale ayaa miino loo dhigay
ka galaafatay 6 Amxaar halka ay ugu yaraan 20 kalena ku dhaawacmeen.
Laba gawaadhida dagaalka ah oo ay Tigre-gu lee yihiin ayaa halkaa ku
shuf beelay halka laba kalena la sheegay inay geddoomeen.
 Warkan
oo ay qoortay jariidadda Herald Tribune oo soo xiganaysa "Associated
Press" waxay intaa ku dartay in markii miinadu qaraxday ay
ciidamadaasi la kulmeen tacshiirad uga timi maleeshiyo deegaanka ah
oo ku xidhan midowga Maxaakiimta. Isku dhacan ayaa hadduu xaqiiqoobo
noqonaya dhiiggii Tigre ee ku daata ciidda Soomaaliya iyadoo la
filayo, idamka Alle, inay sida ayaxa ugu le'daan masraxa dagaalka
Bakool iyo Baay.
Ciidamadan Xabashida ayaa sida la sheegay soo gaadhay magaalada
Baydhaba oo ay beryahan danbeba ay askarta Tigre-ga iyo habro iyo
caruur ay wataanba ku soo qulqulayeen.
Sarkaal u hadlay Maxaakiimta ayaa caddeeyey in TIgre-ga laga
baabi'iyey 4 gaadhi laakiin ay arrintaas ka danbeeyeen maleeshiyo
deegaameed ka gadooday tima-xunta dalkooda ayagoon cidi u fasixin
sida joogtada ah u soo gelaya.
"Waxa dhacay laba qarax oo ay ku xigtay tacshiirad xoog leh oo la is
weydaarsaday" ayuu yidhi ruux shaahid u ahaa dhacdadan oo magaciisa
qariyey. |
| Caynaba News
kama masuul aha afkaarta ay xanbaarsan yihiin qoraallada ay
akhristayaashu fekerkooda ku cabbirayaan. |
|
|
|
Buug suugaameedka "Halqabsi" waxad ka helaysaa murtidii
Abwaan Max''ed Aw Cali Cartan. Waxad ka heli kartaa
|
11:00 GMT
