|
 Mogadishu:
Midowga Maxaakiimta islaamka Somalia ayaa maanta meel fagaaro ah
dab ku qabadsiiyey shixnad qaad ah oo ay leeyihiin ganacsato.
Qaadkan oo lagu gubay bar Kontrol oo ku taala siinka Dheer ee x- Ctrl Afgooye
oo lagu waday 3 baabuur kaasoo ka soo degey garoonka number 50 ee gobolka
Sh/.hoose.
Qaadkaan oo noociisu ahaa Hareeri waxa iska lahaa ganacsato
reer Muqdisho ah oo ka soo iibsatay magaalada Hargeysa ee xarunta Somaliland.
 Midawga
Maxaakiimta ayaa sido kale mamnuucay ka ganacsiga sigaarka iyagoo ku
war geliyey ganacsatada Muqdisho inaanay sigaar danbe dalka soo
gelin taas oo ganacsatada intooda badani ku qanceen.
Madiino
Aw-cali iyo C/raxmaan Xuseen oo ka mid ahaa ganacsatadii qaadkaasi
iska laheyd ayaa waxa ay suxufiyiinta u sheegeen in ay qasaareen
lacag dhan 40 kun oo dollar, iyagoo sheegay in qaadka intii aanu ka
soo dajin No.50 ay ogolaasho kaga heleen maxkamadaha islaamka
madaxdooda.
“
Waxaanu soo mareynay wadada siinka dheer Ex Ctrl Afgooye halkaasi oo
ay nagu sitaajiyeen ciidamada maxkamadaha oo dhulka ku soo daadshay
qaadkii deetana ay dab qabadsiiyeen” ayay yiraahdeen ganacsatadani
oo si weyn uga xumaaday falkaasi. Ganacsatadaasi waxay
yidhaahdeen ma jiraan wax
war galin ah ama digniino ah oo ay siiyeen maxkamahu oo ku
aadan in aynu joojino ka ganacsiga qaadka.
Waa
markii ugu horeysay oo qaad ay ku gubaan maxkamadaha islaamka
magaalada Muqdisho, iyadoo dhowaana isticmaalka qaadka iyo sigaarka
laga mamnuucay magaalada Kismaayo
| 
11:00 GMT
