  
|
 |
|
Qaadisiya.com waa
Maxkamada ceebays |
|
Sunday,
November 12th, 2006 |
|
|
MMI waxay lee yihiin Mareeg"website" afkooda ku hadasha oo ah
http://www.midowgamaxkamadaha.com/. Halka Qaadisiya.com tahay nud ay lee
yihiin shakhsiyaad fudayd badan oo taageera MMI.
 Qaadisiya.com oo isu ekaysiisa inay ku hadasho afka Maxaakiimta
Islaamiga ee Somalia ayaa beryahan danbe isu beddeshay meel lagu
dhantaalo xoogga Islaamka oo dadka lagu nacsiinayo. Mareegtani waxay
dhawaanahan ku caanbaxday dacaayado u badan been abuur iyo
buunbuunin oo wax u dhimay wixii shabakaddaasi sumcad la soo shir
tageen.
Nuddaas la yidhaahdo Qaadisiya oo ay qoraan niman caadifiyiin ah oo
aan kala aqoon nacabka iyo nasteexa MMI ayaa caadaystay been abuurka
iyo dacaayadaha ay ka fidiyaan Somaliland oo ay ugu danbeysey mid ay
qoreen bisha November ahayd 9, taasoo sheegaysay in waxay ugu
yeedheen "Maamulka la baxay Somaliland" ay gubeen ruux islaam ah oo
ka mida beelaha la hayb sooco. Arrintan oo looga gollee yahay in
lagu wiiqo sumcadda iyo sharafta Soomaaliland isla markaana shaki
iyo xumaan loo kala dhex gelinayo MMI & shacabka Somaliland ayaa ah
mid aan laga fiirsan ayna ku ceebowday bog ay ku xardhan yihiin
kelmadihii Alle (swt).
Waayadan danbeba nuddaas Qaadisiya.com waxay beddeshay bogaggii
Putiland ee u foognaan jiray dacaayadda iyo ka been abuurka
Soomaaliland ayagoo ay mareegtaasi lumisay fursad dahabi ah oo ay
isugu soo dhoweyn lahayd MMI iyo shacabka Soomaaliyeed ee Islaamka
ah meel walba oo ay joogaan.
MMI oo guulihii ay gaadheen taageero buuxda kaga helay shacabka
Somaliland ayay xiisihii ay u qabeen kacdoonkan MMI loogu beddelay
dacaayado been abuur ah, aflagaaddo iyo hanjabaad aanay cidna ka
galabsan. Qaadisiya oo ka been sheegta inay tahay afka Maxaakiimta
iyo shakhsiyaad xun xun oo ay ka mid yihiin Turki iyo buraanburka
joogtada ah ee Bacadle ayaa dad badan oo Somaliland u dhashay oo
islaamka jecel ku abuuray shaki weyn.
Qaadisiya waxay ku sharraxatay wejiga hore ee boggeeda, dacaayado ay
soo ammaamudday radio Laasciil oo sheegay jidh dil lagula kacay
muwaaddin reer Somaliland ah. Waxay Qaadisiya.com ku dhacday qonof
ay u dhigeen niman reer Putiland ah oo doonaya sidii ay MMI isaga
hor imaan lahaayeen shacabka Islaamka ah ee Soomaaliyeed.
Qaadisiya waxay kaloo ku caanbaxday been abuur iyo Tafaakhur aay u
qabiix ah oo ay ka mid ahayd falalkii Bu'aale oo ay si Qayru-sharci
ah u buunbuuninayeen sidii ay yihiin anbiyo loo soo waxyoodo.
Waxay nimankani faafiyeen been ay sheegeen in la qabtay Colonel
Fartaag oo ka mid ahaa ciidamadii dagaal-ooge Barre Hiiraale ee
Bu'aale looga adkaaday. Waxay nimankaasi maalintii taas xigtay
sheegeen in saraakiil sarsare oo MMI ka tirsani u xaqiijiyeen
geerida Colonel Fartaag taas oo beenowday ka dib markii uu
Sarkaalkaasi ka hadlay Baardheere isla maalintaas.
Siyaasad xumida Qaadisiya.com waxa ka mid ah dacaayado aan loo
baahnayn oo ay ku hayaan Maraykanka iyo Bush kaasoo islaamka gelin
karta dhibaato aan loo baahnayn, sawir khaldanna ka bixin karta
hadafka Islaamiyiinta, cadawga islaamkana tusaysa Maxaakiimta
Islaamka. Nin Islaami ma jecla Maraykanka siyaasadihiisa laakiin
looma baahna in Maxaakiimta loo abuuro 100 cadow si loo demiyo
nuurka Alle.
Waxaannu Maxaakiimta uga digaynaa inay iska fogeeyaan shakhsiyaadka
ama kooxaha magacooda ku shaqaysanaya ee sumcad xumada u soo jiidaya.
Shacabka Somaliland waa kuwo jecele diintooda, mana aha kuwo necba
MMI ee yaan la nacsiin. |
| Caynaba News
kama masuul aha afkaarta ay xanbaarsan yihiin qoraallada ay
akhristayaashu fekerkooda ku cabbirayaan. |
|
|
|
Buug suugaameedka "Halqabsi" waxad ka helaysaa murtidii
Abwaan Max''ed Aw Cali Cartan. Waxad ka heli kartaa
|
11:00 GMT
