Mogadishu: Xildhibanada Barlamanka Somalia ee ku sugan magaalada Muqdisho ayaa shir jaraa'id oo ay qabteen ku soo bandhigeen qariidad muujineysa in Ethiopia ay isku balaarineyso dhulka Somalia oo laga helay xafiiska Ra'isulwasaaraha Somalia Cali Max'ed Gheedi. Qariidaddan cusub ayaa gebi ahaanba laga laga tiray xuduudda sharciga ah ee dhex marta labada dal ee Ethiopia iyo Soomaaliya taasoo muujinaysa hadafka durugsan ee Melez Zenawi uu ka lee yahay mustaqbalka dalka Somalia.

Qariidaddan waxaad mooddaa mid laga soo minguuriyey sidii Yuhuuddu u qabsatay dhulka Palastine ee ay illaa maanta u xalaashatay iyadoo ugu marmarsiinyootay waxyaabo la mid ah hadallada ay maanta ku hadaaqdo xukuumadda Tigre-ga ah. Hadafka ay xanbaarsan tahay khariidaddan laga helay xafiiska Ra'iisal Wasaare ku sheegga ayaa ah mid khatartiisa leh oo haddii, sida Israel, ay Maraykanku la qabaan noqonaysa mid Somalia ka dhigaysa sida West Bank iyo Gaza oo Ethiopia ku xalaashanayso Somalia.

Xildhibaan Cabdalla Xaaji Cali oo kulankaasi ka dib saxaafadda la hadlayey ayaa sheegay in Cali Maxamed Geedi iyo xukuumadda Tigreega ay heshiis ku gaareen in gabi ahaanba la burburiyo dalka soomaaliya iyagoo tilmaamay inay sirtan culus ka heleen ilo muhiim ah oo aanay magacaabin sabab ammaanka xaggiisa ah awgood.

Xildhibaanka Cabdala Xaaji Cali waxa uu xusay in sirtan Culus laga helay Xafiiiska Cali Maxamed Geeddi,islamarkaana ay ku heshiiiyeen in ay baddalaan Qariiidadda Dalka Soomaaliya ,taasooo ay cadowgu ku doonayaan in ay Gumeysi Cusub u horseedaan Dalka Soomaaliya.

Xildhibaan Cabdala Xaaji Cali ayaa uga digay Shacabka Soomaaliyeed Shirqoolkaan  cusub ee ay dalka la damacsanyihin cadowga, isagoo tilmaamay in qariidaddaan ay qeyb ka tahay shirqoolada ay wadaan dawladda DFKM iyo maamulka Tigreega.

Sirtaan laga Helay Xafiiska Cali Maxamed Geedi ayaa waxaa sidoo kale ay xildhibaanada soo bandhigeen in maamulka tigreega iyo xukuumadda iskusheega uu hogaamiyo  Cali Maxamed Geedi ay ku heshiiyeen in Gabi ahaanba dalka sooomaaliya loo gacan geliyo maamulka tigreega ee uu hogaamiyo Meles Zenaawi.

Arrintaan ayaa waxa ay ku tuseysaa sida dowlad isku sheegga ay horkacaan khaayimiinta C/laahi Yuusuf iyo Geeddi ay u doonayaan in ay dalka u majaxaabiyaan, islamarkaana ay gacanta u galiyaan xukuumadda tigreega ee Melez Zenawi oo ay u awrkiraaleeyaan.