Ciidamada Midowga Maxaakiimta Islaamiga ayaa si diirran loogu soo dhaweeyey Degmada Qansaxdheere oo 50 km dhanka galbeed ka jirta Baydhabo. La wareegistan Qansaxdheere ayaa ka dhigaysa degmadii 3aad (Qansaxdheere, Diinsoor & Buurhakaba) ee ka tirsan gobolka Bay ee ay Maxaakiimtu si toos ah ula wareegaan iyagoo weliba gacanta ku haya qayb ka mid ah degmada Baydhaba.

Ciidamada Mujaahidiinta ah ee Maxaakiimta ayaa halkaasi gaadhay iyadoo aanay wax xabbad ahi ka dhicin shacabkuna waxa ay ku soo dhaweeyeen qalbi furan iyo farxad ah inay Qaataan Xukunka Kitaabka Alle.

Dhanka kale, tuulada Kurtun oo Baydhabo 40 km galbeedka kaga beegan ayaa waxaa ka dhacay iska hor imaad khasaare gaystay ka dib markii ciidamo kuwa lugta ah oo ka tirsan Maxaakiiimta oo dhawaanahanba ku sugnaa Kurtun ay wadada u galeen ciidamo gurmad u ahaa kooxda Baydhaba oo ka yimid gobolka Gedo. Ciidamadaas ayaa sida la sheegayo ay soo gaadhay qasaare dil iyo dhaawac isugu jira. 

Xasuuqan Ulakac ah