Sida ay qortay shabakadda wararka ee Baidoa, Ciidamada Mujaahidiinta ee Midowga Maxkamada Soomaaliyeed ayaa soo gaadhay duleedka magaalada Baydhaba. Ciidamdan ayaa la xaqiijinayaa inay gaadheen deegaanka Abuu Casharoow oo 6 km keliya koonfur kaga beegan magaalada Baydhaba.

Warkan oo saaka la helay ayaa sheegaya in ciidamada lugta ee Midowga Maxkamadaha lagu arkayey halkaasi oo warar aan la hubine sheegayaan inay dhufaysyo ka qoteen.

Wax wara oo arrintan ku saabsan lagama hayo dhanka Maxkamadaha haseyeeshee af hayeenka Ethiopia ee Baydhaba, Cali Maxamed Geeddi, ayaa shalayto ku eedeeyey Maxaakiimtu inay wadaan duullaan.

Ciidamo ku dhow 1000 Mujaahid ayaa iyaguna illaa shalay ku fiday deegaanka Tiyeglow ee Gobolka Xuddur oo qiyaasta 105 km Woqooyi Bari kaga toosan magaalada Baydhaba. Ciidamadan ayaa wacad ku maray inay gooyaan jidka sahayda isla markaana go'doomiyaan ciidamada cadawga marka uu Jihaadku bilaabmo.

Dhanka kale, weli waxa ku sii qulqulaya gobolka gedo ciidama beeleedkii ka goostay budhcadda Baydhaba oo shalayto ka gudbay degmada Qansaxdheere oo ay fadhiyaan maleeshiyo deegaameed taageera Midowga Maxkamadaha.  

Dawladda Yaman oo mar walba u gurmata wakiillada Tigre-ga ee Baydhaba ku sugan ayaa wadda wax ay ugu yeedhay heshiisiin iyadoo uu maanta halkaa u anbabaxay Guddoomiyaha Golaha Fulinta, Sheekh Shariif Sheekh Axmad.

Xasuuqan Ulakac ah