Ku xigeenka arrimaha dibedda ee Ethiopia, Dekeda Alemu, ayaa sheegay inay Jabouti kula kulmeen ergo ka socota Golaha Maxaakiimta Islaamka taasoo, sida uu sheegay, ka mid ah kulamo dhawr ah oo ay la sameeyeen Maxaakiimta. Wuxuu ninkaasi sheegay inay Maxaakiimtu ka weji gabxayaan nabad lagu dhammeeyo khilaafka ka taagan geeska Afrika isagoo sheegay inay gees maraan waddada nabadda!

xoghayaha arimaha dibadda Maxkamadaha islaamka Somalia Prof. Ibraahim Caddow oo shabakadda wararka ee shabelle u waramay ayaa waxa uu sheegay in aanu jirin kulamo ay la qaateen saraakiil ka tirsan dowladda Ethiopia, waxa uuna sheegay in amuurataasi ay tahay been iyo borobagaando Ethiopia ay iska buun buunineyso isla markaasna ku qarinayso weerarka bahalnimada ah ee la damacsan tahay Somalia.

Waxa uu sheegay in wasiirkaasi uu la soo xiriirey, uuna ka codsaday kulamo ay qaataan labada dhinac, waxaana uu sheegay in maxkamadaha ay Ethiopia ku war galiyeen in Ethiopia haddii ay dooneyso in ay labada dhinac wada hadalo yeeshaan ay tahay in Ethiopia ay ciidamadeeda kala baxdo gudaha Somalia. 

Xasuuqan Ulakac ah